ქეისის ქულერები - იაფი განახლება, რომელიც ტემპერატურას ამცირებს
ქეისის ქულერი ყველაზე ხელმისაწვდომი გზაა სისტემის ტემპერატურის შესამცირებლად. გახურებული კომპიუტერი თავად იკლებს სიხშირეს, ანუ ძვირად შეძენილი პროცესორისა და ვიდეობარათის პოტენციალი სრულად არ გამოიყენება.
სწორად განლაგებული რამდენიმე ვენტილატორი ხშირად უფრო მეტს ცვლის, ვიდრე ახალი ქულერი პროცესორზე.
როგორ უნდა ბრუნავდეს ჰაერი ქეისში?
სქემა მარტივია: ცივი ჰაერი წინიდან და ქვევიდან შემოდის, თბილი კი უკნიდან და ზევიდან გადის.
სასურველია, შემომავალი ჰაერის მოცულობა ოდნავ აღემატებოდეს გამავალს. ასე ქეისში მცირე დადებითი წნევა იქმნება და მტვერი ღრიჭოებიდან ნაკლებად შემოდის.
120 თუ 140 მილიმეტრი?
• 120 მმ: ყველაზე გავრცელებული ზომა, თითქმის ყველა ქეისში ჩაჯდება.
• 140 მმ: იმავე მოცულობის ჰაერს უფრო დაბალ ბრუნზე გადარეკავს, ანუ უფრო წყნარად მუშაობს.
შეძენამდე შეამოწმეთ, რომელი ზომის სამაგრები აქვს თქვენს ქეისს და რამდენი ადგილია თავისუფალი.
როდის აღარ არის ვენტილატორები საკმარისი?
თუ ქეისში ჰაერი უკვე კარგად ბრუნავს, ტემპერატურა კი მაინც მაღალია, პრობლემა სავარაუდოდ პროცესორის გაგრილებაშია. ასეთ შემთხვევაში პროცესორის ქულერს გადახედეთ.
ხშირად დამნაშავე გამშრალი თერმოპასტაა. მისი განახლება იაფი პროცედურაა და ტემპერატურას რამდენიმე გრადუსით ამცირებს, არჩევანი თერმო პასტების გვერდზეა.
რაზე გავამახვილოთ ყურადღება ქულერის არჩევისას?
• კონექტორი: 4-pin PWM ვენტილატორს სისტემა ავტომატურად არეგულირებს დატვირთვის მიხედვით, 3-pin კი მუდმივ ბრუნზე მუშაობს.
• ხმაური: მწარმოებლები ხმაურის დონეს ცალკე უთითებენ. წყნარი სამუშაო გარემოსთვის ეს მაჩვენებელი ბრუნვის სიჩქარეზე მნიშვნელოვანია.
• რაოდენობა: ორი შემომავალი და ერთი გამავალი ვენტილატორი უმეტეს სისტემაში საკმარისია.
• განათება: RGB მოდელებს ხშირად ცალკე ჰაბი სჭირდება. არჩევანი ქულერის ჰაბების გვერდზეა.
• სისუფთავე: ფილტრების პერიოდული წმენდა ვენტილატორების ეფექტურობას აღადგენს.
გარანტია და შეძენა
ყველა ვენტილატორი ორიგინალია და მოყვება გარანტია, ხელმისაწვდომია ონლაინ განვადება.
თუ არ ხართ დარწმუნებული, რამდენი და რომელი ზომის ქულერი დაგჭირდებათ, დაგვირეკეთ 596 885 585 ან მოგვწერეთ თქვენი ქეისის მოდელი.